Umunyezamu wa APR FC watijwe Marines FC yo mu Karere ka Rubavu, Ntwari Fiacre akomeje kwifuzwa n’amakipe yo mu Mujyi wa Kigali.

Mu gihe shampiyona iri gusozwa mu Rwanda, abakinnyi nabo batangiye kuganira n’amakipe abifuza, cyane ko abenshi bari mu mpera z’amasezerano yabo.

Umunyezamu Ntwari Fiacre w’imyaka 21 nawe ari muri abo bakinnyi bazasoza amasezerano yabo mu mpera z’uyu mwaka w’imikino, kuko azayosoza mu ntangiriro za Nyakanga.

Amakuru dukesha IGIHE yamenye, ni uko uyu munyezamu yifuzwa cyane na Rayon Sports FC ndetse na Police FC. Ni umunyezamu umaze gukina imikino cumi n’umwe ya shampiyona. Ine muri yo yayimaze atinjizwa igitego.

Mu 2014-2016 yazamukiye mu ishuri ry’umupira w‘amaguru rya APR FC (APR Academy), 2016-2017 atizwa Isonga FC. Mu 2017-2018 yari umunyezamu wa mbere w’Intare FC ayikinira imikino 30 ndetse itsindira kujya mu cyiciro cya mbere ariko kuko ari ikipe izamura impano z’abato, ntiyigeze iza mu cyiciro cya mbere.

Mu 2019 yazamuwe mu ikipe nkuru ya APR FC ariko ntiyahatinda kuko yahakinnye umwaka umwe gusa ahita atizwa Marines FC.

Ntwari Fiacre ni umunyezamu wa APR FC ariko watijwe Marines FC

src: Igihe

Sangiza abandi iyi nkuru

LEAVE A REPLY

Please enter your comment!
Please enter your name here