Umugabo wakekaga ko umugore we w’imyaka 30 amuca inyuma, yibye terefone ye, arebye asangamo amafoto na videwo bye n’umuyobozi we bakora imibonano mpuzabitsina.

Mukwihimura, yakoresheje terefone ye kugira ngo afate ayo mashusho na videwo maze arangije ayashyira ayo mashusho n’amafoto by’umugore we nuwo muyobozi kuri Facebook, avuga ko adashaka ko abandi bagabo bagenzi be “batazagwa mu byo yaguyemo”

Kuri uyu wa kabiri, tariki ya 21 Nzeri 2021, uyu mugabo w’imyaka 27, utatangajwe amazina mu rwego rwo kurengera umwirondoro w’uwahohotewe, yemeye icyaha kuri buri cyaha cy’ubujura no gukwirakwiza amashusho y’ubwambure.

Ibindi birego bibiri bizasuzumwa bamugenera igihano

Urukiko rwumvise ko uyu mugabo yari yarashakanye n’uwahohotewe (umugore) igihe icyaha cyakorwaga muri Gashyantare umwaka ushize, ariko akaba yari yarimukiye mu rugo rwe akava mu rw’abashakanye.

Ku ya 6 Gashyantare 2020, nibwo yagiye mu rugo rw’uwahohotewe asaba gukoresha umusarani, nubwo yari yarimutse amezi make mbere.

Nyuma yo gukoresha umusarani mu cyumba cyo kuryamamo, uyu mugabo yafashe terefone igendanwa y’umugore we yiruka mu nzu, umugore we amwiruka inyuma, ariko ntiyashobora kumufata, nibwo umugabo yarebaga kuri terefone ye akeka ko amuca inyuma.

Nkuko yabicyekaga, yabonye amashusho menshi na videwo n’umugore we n’umuyobozi we basambana, niko gukoresha terefone ye mu gufotora no gufata ayo mashusho.

Harimo video y’amasegonda ane igaragaza igituza cy’umugore we mumaso ye hagaragara igice, videwo y’amasegonda 16 imwerekana yambaye ubusa buriburi, n’ishusho y’umugore we aryamanye n’umuyobozi we kukazi, mumaso yabo bombi hagaragara neza.

Inshuti y’uyu mugenzuzi yamumenyesheje ibyamubayeho mu gihe cy’isaha imwe amashusho ashyizwe kuri facebook, mu gihe umugore w’ushinjwa yakiriye telefoni z’incuti ze zimubwira uko byagenze.

Iyi nyandiko yagiye ahagaragara kandi isangizwa inshuro 2000 kugeza saa kumi z’umugoroba uwo munsi, ikundwa n’abagera ku 3.000 n’ibitekerezo 1.000.

Urukiko rwumvise ko ushinjwa yasibye ayo mashusho kubera ko atari yiteze ko “uzitabwaho cyane”, akaba azagaruka mu rukiko kugira ngo ahatwe ibindi bibazo kandi akatirwe mu kwezi gutaha.

Kubera ikirego cy’ubujura, ashobora gufungwa imyaka irindwi no gucibwa amande. Kubera gukwirakwiza nkana amashusho yimbitse y’ubwambure y’undi muntu, ashobora gufungwa imyaka itanu, gucibwa amande, gukubitwa, cyangwa guhabwa ibihano byose bifatanyije.

Sangiza abandi iyi nkuru

LEAVE A REPLY

Please enter your comment!
Please enter your name here