Umugabo n’umugore bakatiwe gufungwa imyaka 15 kubera iterabwoba

Urukiko rwo muri Somalia rwakatiye Dayib Moalim Hassan n’umugore we Halima Abdi Mursal gufungwa imyaka 15 nyuma yo kubahamya ibikorwa by’iterabwoba bakoraga binyuze mu mutwe wa Islamic State.

Thank you for reading this post, don't forget to subscribe!

Uru rukiko rwavuze ko Dayib Moalim Hassan na Halima Abdi Mursal bamaze igihe kinini bakorana n’uyu mutwe w’iterabwoba bariyise Mustaf na Hawa.

Batawe muri yombi muri Werurwe uyu mwaka nyuma yo gufatanwa ibisasu byari gutegwa mu Murwa Mukuru, Mogadishu.

Iperereza ryakozwe ryagaragaje ko Hassan muri uyu mutwe yari afite inshingano zo guteranya ibisasu mu gihe umugore we, Mursal yari ashinzwe gushaka abayoboke bashya bo kwinjiza muri uwo mutwe.

Ibi nibyo byahereweho urukiko rukatira buri umwe igifungo cy’imyaka 15.

Muri Somalia umugabo n’umugore bakatiwe gufungwa imyaka 15 kubera iterabwoba