Dani Alves yatutse Cristiano Ronaldo kubera ibyo yamukoreye

Myugariro Dani Alves yavuze ko kizigenza Cristiano Ronaldo ariwe mukinnyi wamuzengereje cyane mu bo bahuye bose ndetse aramutuka kubera ko ngo atigeze amwemerera ’guhumeka n’isegonda’ mu mikino bahuriyemo.

Alves yahanganye na Ronaldo mu mikino nyinshi mu gihe cyabo, cyane cyane mu gihe bahuriraga muri La Liga,aho uyu myugariro yemera ko uyu munya Portugal ari we mukinnyi ukomeye cyane kurusha abandi bose yahuye nabo.

Abajijwe umukinnyi wamugoye,Alves yagize ati “Cristiano Ronaldo. Uriya [akoresha ijambo “bastard” ry’igitutsi] ntabwo iguha umwanya wo guhumeka n’isegonda. Ntabwo nitwaye nabi cyane, ariko biragoye. Ni imashini y’ibitego”,

Uyu munya Brazil yabibwiye Marca,mu kiganiro bagiranye.

Alves yahuye na Ronaldo bose bari ku rwego rwo kandi bahanganiye muri Barcelona-Real Madrid,zari zikomeye kurusha izindi kipe ku isi.

Alves ntiyazuyaje guhitamo uyu mugabo wimyaka 37 nk’umukinnyi wamuteye ibibazo byinshi bahuye.

Dani Alves yegukanye ibikombe bitandatu bya La Liga mu gihe yamaze muri Barca, naho Ronaldo yatwaye bibiri gusa muri Real Madrid.

Muri rusange, harimo igihe yamaranye na Sevilla, Alves yatwaye ibikombe 28 muri Espagne (utabariyemo ibikombe bitatu bya Catalunya).

Leave a Comment

Your email address will not be published.