Perezida wo muri Afurika yasabye kujya gutabariza Umwamikazi bamutera utwatsi

Icyifuzo cya Perezida wa Zimbabwe, Emmerson Mnangagwa cyo kwitabira umuhango wo gutabariza umwamikazi Elizabeth cyateshejwe agaciro n’Ubwongereza.

Umwami mushya w’Ubwongereza,Charles III ngo niwe wanze icyifuzo cya perezida wa Zimbabwe, Emmerson Mnangagwa, cyo kwitabira umuhango wo gutabariza [gushyingura] umwamikazi Elizabeth II.

Bivugwa ko Perezida Mnangagwa yandikiye Umwami Charles abinyujije ku mukozi we kugira ngo amenye impamvu atatumiwe mu muhango wo gutabariza Umwamikazi anabaza niba ashobora kuhagera ku wa mbere utaha.

Ariko ngo Umwami Charles III avuga ko guhagarikwa mu ngendo n’ibindi bihano guverinoma ya Harare yafatiwe n’Ubwongereza bikomeje bigomba gukurikizwa.

Ngo yamenyesheje Mnangagwa mu ibaruwa yanditswe n’Uwungirije Charles III ko guhonyora uburenganzira bwa muntu byakomeje muri Zimbabwe bityo atemerewe kwitabira uwo muhango.

Guverinoma y’Ubwongereza mu ntangiriro ya za 2000 yashyiriyeho ibihano by’ubukungu n’ingendo perezida Robert Mugabe.

Ibi byabaye nyuma yuko Perezida Mugabe atangiye ivugurura ry’ubutaka aho guverinoma ye yambuye ubutaka abahinzi b’abazungu. Perezida Mugabe yashinje guverinoma y’Ubwongereza gushaka gukomeza gukoloniza Zimbabwe.

Leave a Comment

Your email address will not be published.