Raporo iheruka ya Henley Global Citizens,yatangaje imijyi yo ku isi ikunzwe cyane n’abakire bafite miliyoni n’abanya miliyari y’amadolari.
Raporo yongeraho ko umubare w’abakire cyane i Lagos wiyongereyeho 22%, aho ubu abantu 330 bafite umutungo urenga miliyoni 10 z’amadolari n’aho 20 bafite umutungo urenga miliyoni 100 z’amadolari.
Nk’uko Henley abitangaza ngo Johannesburg niwo mujyi utuwemo n’abantu bakize cyane muri Afurika kuko ufite abatunze miliyoni nyinshi z’amadolari 15.200, harimo n’abafite miliyari babiri.
Cairo, umurwa mukuru wa Misiri, yaje ku mwanya wa kabiri, ifite abaherwe 7.800 batunze arenga miliyoni y’amadolari, mu gihe Cape Town, undi mujyi wa Afurika y’epfo,ku mwanya wa 3 ifite 6.800,bangana n’aba Lagos ariko ifite abafite amamiliyoni menshi.
Nairobi yuzuza imijyi itanu ya mbere n’abaherwe 5.000,barimo abatunze amamiliyoni menshi y’amadolari 240 harimo 100 batunze miliyoni 100 z’amadolari.
Abuja ni undi mujyi wo muri Nigeria uvugwa muri raporo, ufite abaherwe 800 batunze miliyoni y’amadolari, abatunze millioni nyinshi ni 30 mu gihe harimo 3 batunze miliyoni 100 z’amadolari ariko nta n’umwe utunze miliyari.
Miliyoneri n’inde
Raporo isobanura ko ari umuntu ufite umutungo cyangwa imari ifite agaciro ka miliyoni cyangwa zirenga z’amadolari. Ibi birimo amafaranga, konti yo kuzigama, ishoramari riri mu bubiko, inguzanyo za leta, hamwe n’ibikorwa remezo.
Ku isi,New York irayoboye aho ifite aba miliyoneri 345.600, harimo abaherwe 737 bafite umutungo ufite agaciro ka miliyoni 100 z’amadolari cyangwa zirenga n’abatunze miliyari bagera kuri 59.
Tokyo yaje ku mwanya wa kabiri, ifite abatunze miliyoni 304.900,n’abatunze miliyari y’amadolari 12.
San Francisco (iri k’umwanya wa 3), indi mijyi ine yo muri Amerika yaje mu rutonde rw’imijyi 20 ikize cyane ukurikije umubare w’abakire bahatuye: Los Angeles (6), Chicago (7), Houston (8), na Dallas (18).
Abandi muri batanu ba mbere ni London, San Francisco na Singapore.